 |
|---|
'David Thompson'
Ígulrósarblendingar (Hybrid Rugosa)
Origin
Svejda, Kanada, 1970
fræplanta (Schneezwerg × Fru Dagmar Hastrup) x óþekktur frjógjafi
Height
1 - 1,5 m
Flower color
rauðbleikur
Flower arrangement
fyllt
Flowering
lotublómstrandi, júlí - ágúst
Fragrance
sterkur
The age
-
Leaf color
grænn
Lighting conditions
sól
Soil
vel framræstur, lífefnaríkur, hæfilega rakur
pH
súrt - hlutlaust - basískt
Toughness
nokkuð harðgerð, líklega RHF2
Ígulrósarblendingar eru harðgerðir, lotublómstrandi runnar með stórum ilmandi blómum og margir þroska stórar, hnöttóttar, gulrauðar nýpur. Ígulrós (Rosa rugosa) vex villt í Japan og öðrum stöðum í Austur-Asíu.
Eldri ígulrósarblendingar komu á markað frá 1890 - 1915, m.a. 'Hansa,' en fáir eftir þann tíma og eru þeir oft flokkaðir með nútímarunnarósum. Ég flokka þá alla saman hér þar sem ígulrósarblendingarnir eru flestir harðgerðari en aðrar nútímarunnarósir.
Foreign hardness scales:
USDA zone: 2b
Skandínavíski kvarði: H6
Ígulrósarblendingur með fylltum, rauðbleikum blómum. Þrífst best í sól og vel framræstum jarðvegi. Ætti ekki að klippa mikið niður, best að takmarka snyrtingu við að grisja burt eldri greinar. Hún er sögð mjög harðgerð og heilbrigð.
Þetta er ein af þeim rósum sem tilheyra kanadísku Explorer-seríunni. David Thompson var ensk-kanadískur landkönnuður og kortagerðamaður.
Explorer-serían er afrakstur ræktunarverkefnis á vegum kanadíska landbúnaðarráðuneytisins sem miðaði að því að rækta fram harðgerðar, heilbrigðar rósir sem þola kanadískar frosthörkur. Dr. Felicitas Svejdas hafði umsjón með verkefninu og ræktaði hún fram fjölda harðgerðra rósa á árunum 1961-1999, sem margar hafa reynst afar vel hér á landi.