 |
|---|
Acaena saccaticupula 'Blue Haze'
Glitlauf
Rósaætt
Rosaceae
Hæð
jarðlægt, 5 - 10 cm
Blómlitur
hvítur
Blómgun
júlí
Lauflitur
blágrænt
Birtuskilyrði
sól - hálfskuggi
Jarðvegur
vel framræstur, sendinn eða blandaður vikri eða möl
pH
súrt - hlutlaust - basískt
Harðgerði
sæmilega harðgert
Heimkynni
Nýja-Sjáland
Ættkvíslin Acaena, rósalauf, tilheyrir rósaætt, Rosaceae. Útbreiðslusvæði ættkvíslarinnar er að mestu bundið við suðurhvel jarðar, Nýja-Sjáland, Ástralíu og Suður-Ameríku. Þetta eru jarðlægar jurtir eða hálfrunnar með smágerðu laufi sem minnir á rósalauf og er nafn ættkvíslarinnar dregið af því. Þetta eru fallegar þekjuplöntur með litfögru laufi í ýmsum litbrigðum s.s. blágráu eða bronslitu.
Fjölgun:
Skipting að vori
Sáning - þarf kaldörvun, best sáð að hausti.
Fræ rétt hulið og haft í 2-4 vikur við stofuhita og svo er best að setja sáninguna út fram að spírun. Spírun getur verið hæg, fræ gæti spírað ári síðar og því mikilvægt að henda ekki sáningunni of snemma.
Jarðlægur hálfrunni sem myndar breiðu af blágrænu, smágerðu laufi, sem minnir á rósalauf. Það þrífst best í sól, en þolir skugga part úr degi. Það þarf vel framræstan jarðveg, helst blandaðan vikri eða fínni möl, því það þolir illa blautan jarðveg, sérstaklega að vetri til. Falleg þekjuplanta fyrir frekar sólríka staði.