![]() |
---|
Aquilegia 'Rauði Risinn'
Vatnsberi
Sóleyjaætt
Ranunculaceae
Hæð
hávaxinn, um 150 cm
Blómlitur
rauðbleikur
Blómgun
júní-júlí
Lauflitur
grænn
Birtuskilyrði
sól - hálfskuggi
Jarðvegur
vel framræstur, frekar rakur
pH
súrt - hlutlaust - basískt
Harðgerði
harðgerður
Heimkynni
garðaafbrigði
Ættkvíslin Aquilegia, vatnsberar, tilheyrir sóleyjaætt, Ranunculaceae. Þeir eru einnig nefndir sporasóleyjar og er það nafn dregið af hunangssporum sem krónublöðin mynda. Þetta eru harðgerðar plöntur sem kunna best við sig í heldur rökum jarðvegi og skugga part úr degi. Þó eru til fjallaplöntur í þessari ættkvísl sem kjósa að vera sólarmegin í lífinu og vaxa best í vel framræstum jarðvegi.
Fjölgun:
Sáning - sáð að vori.
Fræ varla hulið og haft við stofuhita (ca. 15-20°C) fram að spírun. Eftir spírun þarf lægra hitastig og næga birtu til að plöntur verði ekki of teygðar.
Sjálfsáður blendingur sem kom fram í garði Ólafs B. Guðmundssonar heitins, lyfjafræðings.
Fræ af honum hefur verið á frælista Garðyrkjufélags Íslands um árabil. Sáir sér svolítið. Óvenjulega hávaxinn vatnsberi með einlitum, rauðbleikum blómum.