 |
|---|
Euphorbia polychroma
Mjólkurjurt
Mjólkurjurtaætt
Euphorbiaceae
Hæð
meðalhá, 30 - 40 cm
Blómlitur
gulur (blómin eru lítið áberandi en háblöðin eru aðalprýði plöntunnar)
Blómgun
lok maí - júní
Lauflitur
grænn
Birtuskilyrði
sól
Jarðvegur
vel framræstur
pH
súrt - hlutlaust - basískt
Harðgerði
harðgerð
Heimkynni
SA-Evrópa og mið-Asía
Mjólkurjurtir, Euphorbia, er stór og fjölskrúðug ættkvísl í mjólkurjurtaætt, Euphorbiaceae, með hátt í 2000 tegundir. Þær eiga það allar sameiginlegt að innihalda eitraðan mjólkursafa og hafa sérstaka skipan lítilfjörlegra blóma umluktum stórum litskrúðugum háblöðum. Þekktasta tegund ættkvíslarinnar er líklegast jólastjarnan, Euphorbia pulcherrima.
Fjölgun:
Græðlingar að vori. Gott er að stinga græðlingunum í volgt vatn áður en þeim er stungið í moldina til að stöðva mjókursafann.
Sáning - sáð síðvetrar eða snemma vors
Fræ rétt hulið og haft við stofuhita (ca. 20°C) fram að spírun. Ef fræ spírar ekki eftir 4 vikur, er ráðlegt að setja það í kæli í 2-4 vikur og færa það svo aftur í stofuhita. Eftir spírun þarf lægra hitastig og næga birtu til að plöntur verði ekki of teygðar.
Auðræktuð og harðgerð.