 |
|---|
Thalictrum aquilegiifolium
Freyjugras
Sóleyjaætt
Ranunculaceae
Hæð
hávaxið, um 70 - 90 cm
Blómlitur
rauðfjólublár eða hvítur
Blómgun
júní - ágúst
Lauflitur
grænn
Birtuskilyrði
sól - hálfskuggi
Jarðvegur
vel framræstur, rakur
pH
súrt - hlutlaust - basískt
Harðgerði
harðgert
Heimkynni
Evrópa, Asía
Brjóstagrös, Thalictrum, er stór ættkvísl um 120-200 tegunda í sóleyjaætt, Ranunculaceae, með heimkynni á tempruðum svæðum. Einkennandi fyrir tegundir ættkvíslarinnar eru fínskipt lauf og blóm án krónublaða en með löngum fagurlega lituðum fræflum í gisnum toppum. Sumar tegundir hafa fagurlituð bikarblöð. Þær vaxa yfirleitt á skuggsælum stöðum í frekar rökum jarðvegi. Ein tegund, brjóstagras, vex villt á Íslandi.
Fjölgun:
Skipting að vori eða hausti.
Sáning - sáð í janúar - febrúar.
Fræ rétt hulið og haft við stofuhita fram að spírun. Ef fræ spírar ekki á 3-4 vikum, er það sett í kæli í 2-4 vikur og svo haft við stofuhita fram að spírun.
Hávaxin planta sem þarf stuðning.