Það er ekki komin löng reynsla á þessa plöntu hjá mér - ég sáði henni vorið 2016.
Þetta er falleg þekjujurt með smágerðu laufi sem minnir á rósablöð. Plöntur sem ég plantaði út síðsumars 2016 hafa vaxið vel og dreift töluvert úr sér. Ég plantaði tveimur í rósabeðið mitt og mér finnst það fara afskaplega vel með rósunum. Nýtt lauf er grænt með rauðum jöðrum, en með aldrinum dökknar það og verður dökk purpurarautt. Það fær sterkari rauðan lit í sól.
Engin planta hefur blómstrað enn, en blómin eru eiginlega aukaatriði, þetta er planta sem ræktuð er vegna laufsins.