Fagurhjálmur 'Bicolor' er gömul sort og algeng í görðum. Hann hefur verið í fjölskyldunni í áratugi, mitt eintak er afleggjari frá foreldrum mínum, sem fengu afleggjara frá afa þegar þau eignuðust garð. Þetta er harðgerð planta sem þarf enga sérmeðferð, hann vex í allri venjulegri garðmold í sól eða skugga og þarf engan stuðning. Úrvalsplanta, en best að halda því til haga að eins og aðrar plöntur þessarar ættkvíslar er hann mjög eitraður.
Ég á ungplöntu af fagurhjálmi í potti. Hann hefur ekki blómstrað ennþá, en fær pláss í móanum mínum í vor. Hlakka mikið til þegar hann verður stór og tignarlegur.