'Blushing Giant' er sjálfsáður blendingur sem á greinilega ættir að rekja til 'Rauða Risans' af hæðinni að dæma. Hann var jafnvel hávaxnari en sá Rauði. Hann var stórglæsilegur í blóma þar sem hann gnæfði yfir alla aðra vatnsbera með sín fallegu fölbleiku blóm . Ég er ekki viss hvort hann lifi enn, en hann er eitt dæmi af mörgum um úrvalsplöntur sem hafa orðið til í garðinum mínum án minnar aðkomu. Stundum borgar sig að vera ekki of duglegur að hreinsa beðin. 😍