Lágvaxinn blævatnsberi með rosalega langt nafn .... afhverju hann heitir 'Rosea' veit ég ekki því blómin eru fjólublá og gul. Hann blómstraði bara einu sinni og drapst svo - aftur vegna sólarskorts. Það virðist vera algengt vandamál í mínum görðum. Er með hann í uppeldi aftur og vonandi gengur betur í þetta sinn. Hann var ræktaður af fræi frá Thompson & Morgan.
Nýju plönturnar dafna vel. Ég gróðursetti þær á vikurblandaða mold í beð sem fær töluverða sól. Þær blómstruðu vel í sumar. Ég virðist þó ekki hafa tekið neina mynd af þeim í sumar, en hér er ein frá 2018.