Það er nú ekki mikið ferskjulegt við 'Peach Blossom' því blómin eru bleik og alls ekkert ferskjulituð. Þau eru engu að síður mjög falleg og það var harðgert og nokkuð duglegt að blómstra. Það á eftir að koma í ljós hvað lifir af musterisblómunum mínum því það eina sem hefur blómstrað eftir flutning er kínablómið. Þau eru þó nokkur á lífi, svo það skýrist líklegast á allra næstu árum hver lifðu þessa þolraun af.