'Rheinland' er virkilega fallegt yrki af japansblómi með sterkbleikum blómum.
Ég hef staðið í þeirri meiningu frá því ég eignaðist það að það væri yrki af musterisblómi (A. x arendsii), en heimildum á netinu virðist bera saman um að það sé japansblóm. Það hefur reynst ágætlega harðgert og hefur lifað í mörg ár, en það blómstrar sjaldan. Það er því líkara musterisblómunum að því leiti, hin tvö yrkin af japansblómi voru öruggari með blómgun í gamla garðinum. Ekkert af þeim hefur blómstrað eftir flutning, en ég bind vonir við að það gerist eitthvað í sumar.
Einu myndirnar sem ég á af 'Rheinland' í blóma eru frá 2009. Þá blómstraði það seint, eftir miðjan ágúst. En fallegt var það.