Dvergaslæða er falleg steinhæðaplanta sem þrífst ágætlega fái hún næga sól og nægilega vel framræstan jarðveg. 'Alba' er með hvítum blómum. Hún blómstraði vel hjá mér þar sem hún óx í upphækkuðu beði sem fékk sól mest allan daginn. Ég hef ekki getað boðið henni upp á nógu sólríkan stað hér í nýja garðinum svo hún hefur ekki blómstrað eftir flutninginn. Ég held að hún tóri þó enn, svo ég hef enn möguleika á að koma henni á betri stað.