Álfakragi er lágvaxinn hálfrunni, sem vex meira á þverveginn en upp á við. Hálfrunnar hafa hálftrénaða stöngla sem visna ekki alveg niður yfir vetrartímann. Blómin eru hvít og fá fjólubláa slikju þegar þau eldast. Laufið er töluvert lengra en á huldukraganum og stönglarnir lengri svo hann verður töluvert meiri um sig. Það er ekki komin reynsla á hann hjá mér, en það fer sögum af álfakragaplöntu sem hefur lifað árum saman. Hann þarf sól og sandblandaðan, vel framræstan jarðveg.
Já þessi stóra og glæsilega breiða var græn allan veturinn.
Þetta er glæsileg planta. 😍 Ég kíkti aðeins út í garð áðan og álfakraginn minn er enn grænn, svo hann hlýtur að vera á lífi. 😁👍
Já satt segirðu Rannveig! Gott ef ég á ekki smá breiðu af Álfakraganum í rósabeðinu fyrir austan.
Þetta er reyndar plantan sem ég kleip af 😉
Ég held að það sé lykilatriði að jarðvegurinn sé ekki mjög rakaheldinn, svo það hljómar eins og jarðvegurinn hjá þér gæti hentað honum vel, svo framarlega sem hann kafnar ekki í grasi. Ég held að hann þurfi ekki mikla næringu.
Ég fékk þessa plöntu frá þér Magga. :) Mig minnir að þú hafir tekið græðling af plöntu sem óx í nágrenni við þig í Árbænum eða var það fræ?
Áhugaverð planta. Spurning hvort Álfakraginn þarf frjóan jarðveg. Ég er nú reyndar alltaf með móann í huga en ekki mjög skipulögð beð. Þar sem ég er er fokjarðvegur sem vatn hripar fljótt í gegnum ef hann er ekki bættur með gróðurmold eða taði. Hef líka þá reynsku af lágvöxnum plöntum sem fá gott nesti að þæt hreinlega týnast í grasi.