'Rubra Plena' er yrki af bóndarós með rauðbleikum, fylltum blómum sem hefur verið í ræktun hér í áratugi. Myndin er tekin í garði foreldra minna, ég hef ekki orðið svo fræg enn að eignast bóndarós. Þær eru ágætlega harðgerðar, en þurfa frjósama mold og sólríkan stað til að dafna vel og blómstra. Þeim er illa við rask, svo það er betra að vera ekki að færa þær til. Það tekur þær nokkurn tíma að búa um sig og fara að blómstra eftir að þær eru gróðursettar.