Dvergagullhnappur
Dvergagullhnappur er smávaxin tegund með einföldum, gulum blómum. Laufið er mjög smágert og hann verður varla hærri en 20 cm, yfirleitt nær 15 cm. Ég hef átt hann í rúm fimm ár og hann hefur reynst svolítið vangæfur. Ég hélt á tímabili að hann væri horfinn, en hann blómstraði einu blómi í sumar. Mögulega er staðurinn sem ég valdi honum of þurr, en hann þarf nokkuð jafnrakan jarðveg í sól.