'Cristata' er centifolia mosarós sem blómstrar fylltum, bleikum blómum. Hún er sport af Centifolia Muscosa, sem var sport af Rosa centifolia. Hún þarf mjög gott skjól, annars hættir henni við kali, sem kemur þá niður á blómgun. Blómin eru viðkvæm fyrir rigningu, sem hentar ekki vel í okkar blautu sumrum. Það eru fá blóm sem hafa náð að springa almennilega út, en knúpparnir eru flottir.