Klasarós (Floribunda)
'Absolutely Fabulous' er klasarós ræktuð af Tom Carruth í Bandaríkjunum 2004. Foreldrarnir eru ónefnd fræplanta (fræplanta af 'Voodoo' x 'Summerwine') og klasarósin 'Top Notch'. Hún blómstrar gulum blómum, sem eru apríkósugul í fyrstu en liturinn fölnar svo og verður fölgulur, jafnvel með bleikum jöðrum í svölu veðri. Því miður eru blómin ekki mjög regnþolin og hefur meirihluti knúppa skemmst í rigningu, sem er grátlegt miðað við þann fjölda knúppa sem hún hefur myndað. Þau blóm sem hafa náð að springa út eru dásamlega falleg, með mjög sérstökum ilmi. Hún þarf vetrarskýlingu og mjög hlýjan og skjólsælan vaxtarstað.