Klasarós (Floribunda)
'Europeana' er klasarós með fylltum, dökkrauðum blómum sem var ræktuð af Gerrit de Ruiter í Hollandi einhverntíma fyrir 1962. Hún er afkomandi tveggja klasarósa, 'Ruth Leuwerick' og 'Rosemary Rose'. Ég átti þessa rós í nokkur ár og hún átti frekar erfitt uppdráttar, blómstraði lítið og seint. Hún þarf allra besta stað í garðinum og vetrarskýlingu, en það er ekkert víst að það dugi til. Hún dafnar örugglega best í gróðurhúsi.