Klasarós (Floribunda)
'Schneewittchen' eða 'Iceberg' er klasarós ræktuð af Reimer Kordes í Þýskalandi 1958. Hún er afkvæmi moskusrósablendingsins 'Robin Hood' og terósablendingsins 'Virgo'. Blómin eru hvít, með fölbleiku skini í miðjunni á meðan knúpparnir eru að springa út, sérstaklega þegar farið er að kólna á haustin. Laufið er mjög oddmjótt og auðvelt að þekkja hana á laufinu. Hún getur lifað úti og blómstrað við bestu skilyrði ef hún fær vetrarskýlingu, en hún nýtur sín betur í gróðurhúsi.