Gullrós
'Bicolor' er sport af gullrós, R. foetida, sem þýðir að það er sjálfsprottin stökkbreyting sem hefur svo verið fjölgað. Þetta er ótrúlega falleg rós, ég man ekki eftir annarri rós, sem vex hérlendis, sem hefur svipaðan blómlit. Því miður þá eru aðstæður hér ekki hennar kjöraðstæður, því henni líður best í hita og sól. Köld rigningasumur eru því ekki líkleg til að gefa mikla blómgun, enda getur hún verið treg til að blómstra. Hún er líka mjög plöguð af "black spot". En þegar hún blómstrar .... þvílík fegurð. 😍 Hún þarf frekar skjólgóðan stað.