Þyrnirósarblendingur (Hybrid Spinosissima)
'Frühlingsduft' er yndislega fallegur þyrnirósarblendingur með hálffylltum, ferskjubleikum blómum. Blómin roðna og verða bleikari eftir að þau eru fullútsprungin, síðan fölnar liturinn og verður nánast hvítur. Þessi rós blómstraði í fyrsta sinn 2020, það tók hana nokkur ár að byggja sig upp í blómgunarstærð. Hún hefur ekki kalið mikið hingað til og vonandi mun hún blómstra aftur næsta sumar.
Þessi rós var ræktuð af Kordes í Þýskalandi 1949. Hún er blendingur þyrnirósar (frjógjafi) og terósarblendingsins 'Joanna Hill'.