Þyrnirósarblendingur (Hybrid Spinosissima)
'Tove Jansson' er finnskur þyrnirósarblendingur ræktaður af Peter Joy 1991. Foreldrin eru 'Red Nelly' (fræ) og 'Poppius' (frjógjafi). Hún líkist mjög 'Red Nelly', bakhlið krónublaða 'Red Nelly' eru ljós, en á 'Tove Jansson' eru þau í sama rauðbleika litnum báðu megin. Þessi rós er alveg glæný hjá mér, ég plantaði henni sumarið 2020, svo hún er á sínum fyrsta vetri núna. Það á því eftir að koma í ljós hvernig hún plumar sig, en ég á ekki von á öðru að hún verði álíka harðgerð og foreldrarnir.