Gallica rós
'Ruustinna' er finnsk fundrós sem fannst í Khumo 1998. Hún hét áður 'Sanna', en nafninu hefur verið breytt í 'Ruustinna' og hún er nú seld undir því nafni í Finnlandi. Þetta er nokkuð stórgerð rós sem getur orðið 1,5 - 2 m á hæð. Hún blómstrar rósbleikum, fylltum blómum, sem ilma nokkuð sterkt í fyrstu, en ilmurinn er fljótur að dofna. Ég þekki ekki þessa rós af eigin reynslu, en Kristleifur heitinn Guðbjörnsson skrifaði 2009:
"Harðgerð finnsk rós, blómstrar í júlí ilmandi blómum. 1,5.m á hæð. H.2. Ísl."