Nútíma runnarós (Modern Shrub) - Parkland serían
'Olds College' er nýleg nútíma runnarós úr kanadísku Parkland seríunni sem ræktuð var af Larry Dyck árið 2000. Hún blómstrar fylltum, appelsínugulum blómum sem ilma lítið. Hún blómstraði ágætlega fyrsta sumarið eftir að ég keypti hana, en náði ekki að blómstra í fyrra og kól alveg niður eftir síðasta vetur. Hún óx ágætlega í sumar, en náði ekki að blómstra. Það á því eftir að koma í ljós hvort hún nær sér á strik, en hún þarf allavega mjög gott skjól og næga sól til að geta þrifist almennilega.
Hver er ykkar reynsla?