Japanshlynur
'Bloodgood' er afbrigði af japanshlyn með dökk purpurarauðu laufi. Hann getur orðið 2-4 m á hæð erlendis, en verður líklega lægri hér. Laufið er rauðleitt þegar hann laufgast og verður svo mjög dökk purpurarautt yfir sumarmánuðina. Það er töluvert dekkra en á afbrigðinu 'Atropurpurea'. Hann þarf mjög gott skjól og þrífst best í vel framræstum, rökum jarðvegi í sól eða hálfskugga. Laufið er viðkvæmt fyrir vindi á sumrin og hann þarf skjól fyrir köldum norðanvindi á veturna. Ég hef vafið mínum inn í akrýldúk frá janúar og fram á vor og það hefur dugað ágætlega. Hann hefur bara kalið rétt í bláendana.