Ertusýprus
'Plumosa Compressa' er dvergvaxið afbrigði af ertusýprus sem hefur kúlulaga vöxt. Það verður varla meira en 1,5 m á hæð og líklega töluvert lægra hér á landi. Það þarf sömu vaxtarskilyrði og aðrir sýprusar, gott skjól, morgunskugga og frjóan, rakan, eilítið súran jarðveg sem er þó vel framræstur, því hann vill ekki standa í vatni. Ég keypti þessa plöntu haustið 2019 til að hafa í potti yfir veturinn og hann lifði þá vist ekki af. Væri gaman að prófa hann einhverntíma úti í beði og sjá hvernig hann plumar sig þannig.
Hafið þið reynslu af þessari tegund?