Ýviður
'Repandens' er yrki af ývið með flatan, breiðan vöxt. Það verður um 60 - 120 cm á hæð og töluvert meira um sig. Það er þó óþarfi að fórna mörgum fermetrum undir runnann, það er auðvelt að halda honum í skefjum með klippingu og þar sem hann vex mjög hægt er engin hætta á að hann taki yfir garðinn. Stutt reynsla enn sem komið er hjá mér, mín planta kól svolítið á fyrsta vetri þar sem hún stóð í nokkrum næðingi. Hún er í betra skjóli núna og nær sér vonandi á strik.