Kóreulífviður
Kóreulífviður er sjaldgæf sígræn planta sem er bæði sjaldgæf í ræktun og í náttúrunni. Heimkynni hans eru N-Kórea og aðliggjandi svæði í Kína og S-Kóreu þar sem hann er verndaður. Ég fékk mína plöntu í Þöll og er hún af fræi af plöntu sem vex í Hallormsstaðaskógi. Þær plöntur hafa vaxið þar síðan 1954 og þrifist ágætlega. Mín planta hefur gert það líka og vaxið áfallalaust hingað til. Hann vex best í sól eða hálfskugga í vel framræstum, frjóum, rökum jarðvegi. Minn er í töluverðum skugga og virðist þrífast ágætlega þrátt fyrir sólarleysið.