Barrtré þola mörg hver meiri þurrk og kulda en lauftré því laufblöðin, barrið, hafa lítið yfirborðsflatarmál og í sumum tilvikum eru þau vaxborin, til að koma í veg fyrir vökvatap. Þau eru í flestum tilvikum sígræn, þ.e. fella ekki barrið á veturna. Barrskógarbeltið tekur við af laufskógarbeltinu á norðurhveli og teygir sig langt norður að freðmýrum norðurheimskautsins.
Abies - Þinur
Ættkvíslin Abies tilheyrir þallarætt, Pinaceae. Þetta eru stórvaxin tré, með heimkynni í fjalllendi víða á norðurhveli jarðar. Helsta einkenni ættkvíslarinnar er mjúkt barr sem vísar upp frá greinunum. Þinir eru skuggþolnir og nægjusamir. Flestar tegundir vaxa á stöðum þar sem meginlandsloftslag er ríkjandi og því geta vetrarumhleypingar valdið skemmdum á nýjum sprotum.
-
Abies fraseri - glæsiþinur
Araucaria - Apatré
Ættkvíslin Araucaria tilheyrir apatrésætt, Araucariaceae. Þetta eru oftast stórvaxin tré, með heimkynni í Ástralíu og S-Ameríku. Helsta einkenni ættkvíslarinnar eru þykk, oddhvöss lauf sem skarast misjafnlega mikið eftir tegundum. Apatré eru oftast sérbýlisplöntur, en dæmi eru um einstaklinga sem eru tvíkynja, þ.e. sem bera bæði karlkyns og kvenkyns blóm á sömu plöntunni.
Chamaecyparis - Sýprus
Ættkvíslin Chamaecyparis tilheyrir grátviðarætt, Cupressaceae. Ættkvíslin telur sjö tegundir með heimkynni í austur Asíu og vestanverðri N-Ameríku. Tegundir ættkvíslarinnar vaxa í skuggsælum strandskógum þar sem úrkoma er mikil. Þær þurfa því gott skjól og jafnan jarðraka.
-
Chamaecyparis lawsoniana - fagursýprus
-
Chamaecyparis pisifera - ertusýprus
Juniperus - Einir
Ættkvíslin Juniperus, einir, er ættkvísl um 60 tegunda í grátviðarætt, Cupressaceae sem dreifast um allt norðurhvel jarðar. Þetta eru hægvaxta, vindþolnir runnar eða tré sem þola þurran, rýran jarðveg og kjósa sólríkan stað.
-
Juniperus communis - einir
-
Juniperus squamata - himalajaeinir
Larix - Lerki
Ættkvíslin Larix, lerki, tilheyrir þallarætt, Pinaceae, og telur 10 tegundir sem vaxa flestar við meginlandsloftslag. Þær hafa mjúkar nálar sem falla á haustin.
Picea - Greni
Ættkvíslin Picea, greni, er ættkvísl um 35 tegunda í þallarætt, Pinaceae. Þetta eru stórvaxin tré með heimkynni dreifð um barrskógabeltið á norðurhveli jarðar.
-
Picea abies - rauðgreni
-
'Nidiformis'
-
-
Picea glauca - hvítgreni
-
'Conica'
-
Pinus - Fura
Ættkvíslin Pinus, fura, er stór ættkvísl í þallarætt, Pinaceae, sem telur rúmlega 100 tegundir. Heimkynni þeirra eru dreifð um norðurhvel jarðar. Einkenni ættkvíslarinnar eru langar nálar sem vaxa í knippum, oftast 2-5 nálar í knippi.
-
Pinus cembra - lindifura
-
'Hallormsstaður'
-
-
-
var. pumilo - dvergfura
-
Taxus - Ýviður
Taxus, ýviðir, er lítil ættkvísl í ýviðarætt, Taxaceae. Allar tegundir ættkvíslarinnar eru náskyldar og sumir grasafræðingar vilja skilgreina þær allar sem undirtegundir af ýviði, Taxus baccata. Aðrir skilgreina 9 tegundir. Ýviðir hafa flatar, dökkgrænar nálar sem eru mjúkar viðkomu og þroska köngla sem líkjast opnum rauðum berjum sem umlykja eitt fræ. Allir hlutar eru eitraðir að berjunum undanskildum, þar með talin fræin. Nokkur krabbameinslyf hafa verið þróuð út frá taxane eiturefnunum sem finnast í ýviðartegundum. Viðurinn er sveigjanlegur og var notaður í bogagerð.
-
Taxus baccata - ýviður
-
Taxus cuspitata - japansýr
-
Taxus x media - garðaýr
Thuja - Lífviður
Ættkvíslin Thuja, lífviðir, er lítil ættkvísl 5 tegunda í grátviðarætt, Cupressaceae, með heimkynni í Asíu og N-Ameríku. Þetta eru sígrænir runnar eða tré með hreisturkenndu laufi á flötum greinum.
-
Thuja occidentalis - kanadalífviður
Thujopsis
Ættkvíslin Thujopsis, vaxlífviður, er náskyld lífviðum en er öll grófgerðari. Aðeins ein tegund tilheyrir ættkvíslinni og er hún upprunnin í Japan.
Tsuga - Þöll
Ættkvíslin Tsuga, þallir, tilheyrir þallarætt, Pinaceae og telur um 10 tegundir með heimkynni í N-Ameríku og Asíu. Þallir hafa stutt, mjúkt barr og slútandi toppsprota. Þær eru nokkuð skuggþolnar.
-
Tsuga canadensis - skógarþöll