Lilium FantAsiatic Red
Asíublendingur (Dwarf Asiatic)
Asíublendingar eru yfirleitt fjölærir hér á landi, ef vaxtarskilyrðin eru rétt. Þeir blómstra 10-15 cm breiðum blómum sem vísa upp á við og fást í miklu litaúrvali. Liljur í FantAsiatic seríunni eru sagðar blómstra ríkulega og verða ekki nema 30 cm á hæð.
'FantAsiatic Red' blómstrar rauðum blómum með appelsínugulri miðju.
3 laukar í 2 l potti.
Ræktunarleiðbeiningar
Liljur eru fallegar garðplöntur sem tilheyra ættkvíslinni Lilium í liljuætt (Liliaceae). Margar eru fjölærar hér, eins og t.d. asíublendingarnir, og þær þurfa ekki forræktun inni. Þeim má planta beint út að vori. Vaxtarstaðurinn þarf að vera sólríkur og skjólgóður og jarðvegurinn þarf að vera frjór, vel framræstur og lífefnaríkur.
Aðrir liljuflokkar, eins og t.d. austurlandaliljurnar, eru viðkvæmari og verða ekki langlífar utandyra hérlendis. Þær má rækta í pottum og geyma í gróðurhúsi eða kaldri geymslu yfir vetrarmánuðina.
Hávaxnar sortir þurfa góðan stuðning.
