Euphorbia amygdaloides 'Purpurea' - möndlumjólk

Möndlumjólk

Möndlumjólk er fjölær planta sem getur náð allt að 80 cm hæð. Hún blómstrar gulgrænum blómum í júní. 'Purpurea' er afbrigði af möndlumjólk með purpurarauðu laufi. Takmörkuð reynsla, mögulega viðkvæm.

Sáningartími: nóvember-janúar. Fræ rétt hulið og haft á skýldum stað úti eða í köldu gróðurhúsi fram að spírun. Spírun getur tekið langan tíma, svo ekki henda úr pottum of snemma. Dreifplantað þegar plöntur hafa náð meðfærilegri stærð.