 |
|---|
Pinus contorta
Stafafura
Þallarætt
Pinaceae
Hæð
allt að 10 - 25 m
Blómlitur
kk gulur-appelsínugulur, kvk purpurarauður
Blómgun
maí - júní
Blómgerð
reklar
Aldin
könglar
Lauflitur
grænn
Birtuskilyrði
sól
Jarðvegur
vel framræstur
pH
súrt - hlutlaust - basískt
Harðgerði
harðgerð
Heimkynni
vestanverð N-Ameríku
Ættkvíslin Pinus, fura, er stór ættkvísl í þallarætt, Pinaceae, sem telur rúmlega 100 tegundir. Heimkynni þeirra eru dreifð um norðurhvel jarðar. Einkenni ættkvíslarinnar eru langar nálar sem vaxa í knippum, oftast 2-5 nálar í knippi.
Fjölgun:
Sáning, sáð í október-nóvember
Fræ lagt í bleyti í sólarhring og svo blandað rökum vikri í rennilásapoka og geymt í kæli í 45 daga. Eftir kaldörvun er fræinu sáð í sáðbox og haft við stofuhita fram að spírun. Kaldörvun er ekki nauðsynleg, en eykur spírunarhlutfall.
Stafafura er furutegund sem er mikið notuð í skógrækt, en hentar síður sem garðtré vegna stærðar. Hún er harðgerð og á það til að sá sér út þar sem skilyrði eru góð og eru skiptar skoðanir á því hvort það sé góð eða slæm þróun. Hún vex best í sól í vel framræstum jarðvegi.